Englafjárfestar
Englafjárfestar eru einstaklingar sem fjárfesta í upprennandi sprotafyrirtækjum á byrjunarstigi.
Þeir veita ekki aðeins fjármagn heldur einnig reynslu, tengslanet og ráðgjöf sem getur skipt sköpum fyrir vöxt og velgengni frumkvöðla. Englafjárfestingar eru lykilþáttur í að knýja nýsköpun áfram og styðja við framtíðarfyrirtæki.
Hvað þýðir að vera englafjárfestir?
Englafjárfestar gegna lykilhlutverki í nýsköpunarvistkerfinu. Þeir fjárfesta snemma í frumkvöðlum og sprotafyrirtækjum sem eiga möguleika á vexti, en eru oft ekki komin með aðgang að hefðbundnu fjármagni eins og bankalánum eða stórum sjóðum.
Hlutverk þeirra nær þó langt út fyrir fjárhagslegan stuðning
Englafjárfestar:
Deila þekkingu og reynslu úr atvinnulífinu
Tengja frumkvöðla við rétta aðila og netverka
Veita leiðsögn og styðja við stefnumótun
Hjálpa til við að byggja upp fyrirtæki sem eru tilbúin til vaxtar og frekari fjármögnunar
Þeir eru oft fyrstu trúnaðarmenn frumkvöðla og styðja við bakið á hugmyndum sem annars gætu ekki orðið að veruleika. Með því að taka þátt í áhættusömum en spennandi verkefnum, skapa englafjárfestar verðmæti – ekki aðeins fyrir sjálfa sig, heldur einnig fyrir samfélagið og efnahagslífið í heild.
Hvernig virka englafjárfestingar?
Englafjárfestingar eiga sér oft stað á fyrstu stigum sprotafyrirtækis – þegar hugmyndin er til staðar og frumkvöðullinn er að hefja vegferðina. Hér eru helstu atriðin:
Fjárfestir hittir frumkvöðul
Frumkvöðull kynnir hugmyndina sína og framtíðarsýn, oft í gegnum „pitch“ eða viðburði sem samtök eins og IceBAN halda.
Mat og greining
Englafjárfestir skoðar viðskiptahugmyndina, teymið, markaðinn og áhættuna. Hann metur mögulegan arð og áhrif.
Fjárfesting
Ef trú er á verkefnið fjárfestir englafjárfestir með því að kaupa hlut í fyrirtækinu. Fjárhæðir eru oft á bilinu 1–20 milljónir kr. en geta verið mismunandi eftir verkefnum.
Stuðningur og leiðsögn
Englafjárfestir veitir ráðgjöf, opnar dyr að tengslaneti og hjálpar frumkvöðlum að taka næstu skref – allt frá vöruþróun til vöxts og frekari fjármögnunar.
Útganga og ávöxtun
Ef fyrirtækið vex og gengur vel, getur fjárfestirinn selt sinn hlut síðar meir – til dæmis til stærri fjárfesta eða í gegnum yfirtöku. Markmiðið er að fá arð á fjárfestinguna, oft margfaldan þann upphaflega.
Ég er ekki engill en langar að læra
Skráðu þig og komdu á kynningarviðburð þar sem við förum yfir hvernig þú getur fengið tækifæri til að móta framtíðina og styðja við nýsköpun á Íslandi.
Komdu með á næsta félagsviðburð